بذمتك آنا فقير ..!؟

فقير !

ماهو لازم اني اسرق لـ جل أعيش , بتعبي عايش

فقير !

ماهو لازم اني أتسكع وأطيش , ماني طايش

بس ليش أنا في عين هالعالم حقير !

وآنا مو شايف سبب …

من أجله أتسمى فقير !!

أملك الدنيا بـ يديني

لـ دخلت البيت ( متُعب ) وأبتسامة والديني , تلتقيني بألف ( مرحْب )

وطفلي يتحايل يبيني .. قبل ( ما أرتاح ) نلعب !!

وجم ( ندى ) أمْطر جبيني , ومنه قمت آكل وأشرب !

وأفترشنا الأرض ( فرحه ) أُسره ملمومه بـ دفا

عمرنا ماقلنا ( آآآآخ ) من يودينا السما !!

يالحصير .. يالحصير .. انطق تحجى , وانت يالثوب القصير .. بذمتك آنا فقير !؟

وآنا أملك كل هذا .. و ( كل هذا ) شي كبير !

غيري يتحسر عليه , وعندي منه شي كثير ..

كنزي راحتي بـ نفسي

وعيالي ملذاتي .. وفلسي دايم ٍ في ذل !

ومكفي أحتياجاتي ,

يعني سياره جديده ؟! ما أبيها !

يعني فيلا فاخره ؟! ما أبيها !

يعني كل صيفي بـ ديره والا لبس ٍ نفس لبسي بس فرق الماركه !؟

هالمظاهر كاذبه , ووالله آنا ما أبيها !!

..

.

آآه

والنهايه كـ البدايه .. عقدتي بـ تبقى معايه !!

قلت أملك كل شي

وقلت كنزي في يديْي

للأسف تالي أكتشفت .. اني ماملك أي شي !!

وانه فعلا ً هذا اسمي

وفي عيون الناس رسمي

ورغم كل هذا الغنى .. اللي تخطى حدود حلمي !

راح أتم ذاك الفقير

راح أتم ذاك الحقير !

 

2 / 3 / 2007

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s