عمري راح !!

 

تبين القلب !؟

تعالي أخذيه .. تعالي وأحرقيه ألحين !

تبين العمر !؟

تعالي أفنيه .. تعالي وضيعيني اسنين !

( تعالي وأخذي كل اللي تبينه وأتمنينه )

برغم إني أقاسي وقت / حزين وحالتي حاله !

وأشوف أن الفرح مايوم / خطرت وصرت في باله ..

قدرت أوهب لج الراحه

وقدرت أعطيج بسماتي .. وعطيتج كل ماكنتي تبينه .. وأتمنينه

وخنتيني !

تعذرتي ؟ .. تأخرتي !!

لـ أني فعلا ً اتحطمت .. وعيبي بـ طيبتي أتعاملت

وأتألمت .. وأتعلمت !!

.

عرفت أجرح .. عرفت أطعن

وأخلي عاشقي يحزن .. وأبيعه واخذ الاثمن

وأحسس كارهي دايم .. بأن الموت له احسن

وأغرقه في بحر همي .. بلا مينا .. بلا موطن !

كثير جروح أبجرحها .. وأسممها .. وألونها بـ لون الحب !

غدرتيني .. وأنا من غدرك أتعلمت ..

وجيتك ما أبي حبي … ولابي وردتي الحمرا

ولا بي بسمتي اللي / تركتي عندها جمرا !

ابي اسئل سؤال واحد ؟!

وأبي منك ( تجيبينه ) .. عمري راح ( قدرتي لي تردينه !؟؟ )

قدرتي لي تردينه ؟! .. أدري لأ .. وعارف ماتردينه !

وعارف فيني جمر الثار أنتي ماتكفينه

وليلج لو تنامينه .. عذابي تبتشوفينه

أبحفر قبرج بـ كفي .. وبأحلف ماتحضنينه !

وجروح الناس شي عادي / وجرحي والله تبجينه ..

تعالي بـ كفي الأيمن … عذابات وشقى وهموم !

تعالي بـ كفي الأيسر … خناجر قاتله وسهوم ..

تعالي وأحضني صدري

وأضمج له بـ كفيني !!

( تعالي وأبجي كل اللي .. عطيتج وإنتي تنسينه ! )

تعالي وأبجي كل اللي

عطيتج وإنتي تنسينه !

..

.

13 / 12 / 2006

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s