كنت أنت !!

 

عطني أمل

( وابقى أحبك للأزل !! )

مو للأزل ..

( يعني بحبك ليما أموت !! ) على الأقل !

عطني بقايا من شعور ..

عطني مسافه مبهمه !

خلني أعيشك لو سراب !!

ألاقي بـ أطرافه أمل ..

ولو الجفاف أختارني ..

صدقني لـ اجلك بـ احتمل ..

..

.

والله تعبت امن ( التشرد / والسكن )

أكتب على جدار الفرح

وأغلب عباراتي ( شجن ! )

تناقضاتي معجزه .. ماقدر اعايشها انا !

وتوافقاتي حايره …

مبنيه مجملها ( بـ ظن !! )

والظن رحله .. غااامضه ..

.. تسلكني لـ انقاض ووطن ..

( وأنا على انقاضي وطن !! )

وطن مكلل بالجروح ..

وأسمك على كل المدن ..!

( يعني أنا ماصرت اشوف الدنيا إلا من خلالك , نجاحي سعادتي راحتي ..و .. و ..

كل أشيائي قرنتها فيك .. بوجودك , لو بغمض عنك أشوفك ! صرت مااملك حياتي

صرت فارغ .. كلي متعود عليك .. تدري انها كارثه لو بس بـ عطي نفسي مساحه للتفكير

انها اتعيش من غيرك ! لحظه بس لحظه لو بـ فكر بجذي يمكن اعاتب نفسي العمر كله

على هاللحظه .. تكفى حس بـ توهاني .. جرب تكون مثلي تمشي عالماي !!

او تبجي من غير دمع !! او ترضى تعيش عالهامش في حياة يلي اتحبه !

عطني اصغر مساحات حياتك .. خلني اسكنها بـ صدق .. عادي لو وهمت نفسي فيك

المهم ان الوهم انت ! .. وانك انت كنت بـ حياتي .. ( كنت أنت ) .. أنت .. أنت .. )

لأ !!

لا تقول أن هذا أنت ..

أنت واحد ما أعرفه !!

في حياته ( آنا كنت ! )

عطني الفرصه الأخيره

حقق أحلامي اللي عشت

يمكن انها لك سخيفه ..

بس أبسكنها بـ صمت !!

.

.

تبي ترحل …/ أنا المركب

أنا اشرعتك ومجدافك

أنا أمتعتك !

وفي برد الليل أنا ألحافك ..

( خذني شي .. مو عن شي !! )

بس اعيش بـ أطرافك ..

اعيش الصبح بـ عيونك

وابجي الليل لـ أجحافك

ياخي شوفني ( أنسان )

أمَا يكْفِيكَ إسْرافُك ْ؟

أمَا يكْفِيكَ إسْرافُك ْ؟

..

.

قوووول شي ؟ رد علي !!

لا تخليني بـ ضياعي ..

أرتجي ( ياصحرا في ْ )

وإلا تدري !

عطني وقت ..

يمكن أستوعب غيابك لا رحلت

لا رجعت لـ ذكرياتي

يمكن ألقاك بـ حياتي

أحلا أيامي اللي عشت

وأتركك ذكرى صغيره

وبين قوسين ومسافه

في حياتي ( كنت أنت !! )

..

.
31 / 10 / 2006

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s