محتاج لك حدي !

ياليت قبرك يايبه مبطل الحين !!
وانام عندك …, أو
آخذك عندي !
وإلا ياليته يايبه .. يكفي أثنين !
واكون يمك ../ وأدفن القبر بعدي ..
توني بـ خطْي ِ ..
وانت ( عشرين ) عمرك
وعديت انا ( العشرين ) , والوصل ضدي !
تأتأت / ( بثمك بث ) ودي أناديك !
وبجّيت أمي كل ماقلت / ودي ..
روح أسئل ( الكشكول ) عن ( مفرداتي ) !!
( شخبطت لك ) .. بابا , انا صرت وحدي
( الحلم وردي ) …
كان يوم انت عايش
الحلم !!
كان بـ عيني …. ( الحلم وردي ) !
.. الدنيا ماترحم طفل , ميْت ابوه
ابيك انت لـ ظلمها تقول ( ولْدي ) !
محتاج لك حدي / ترد من مماتك !!!
( أستغفر الله ) , بس
( محتاج حدي ) !
لا خال / لا عمه / ولا عم يعوض
لا مال / لا خاله / ولا حتى جدي !
مليان من كل شي ( مترف / وعائل )
لكن وجودك فاقده .. , وشوف خدي !
ابي ظلامك / عن شموس الاوادم !
ابي دفاك لي تعورت / برّدي !
ابي معاك نروح ..
( ملهى , ومطعم ) !
ابي اتغرضلي انا ( لبس قدي )
ابي تدلعني / واذا اخطيت طقني !
ابي ولكن … للاسف مو بيّدْي !!
لو الممات يابوي , مره يفاوض !
ونتقاسم الأعمار ( كبرك , بـ مهدي )

 

* *

 

تبي الصراحه يايبه / وما ابالغ !!؟
تبي الصراحه وشنهو اللي بـ ودي ؟!

/ إن القبر يابوي مبطل الحين !!
وانام عندك …, أو
آخذك عندي !

*
ممم , …. وبس !
محتاج حدي !!

 

23 / 6 / 2007

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s