ياصوتي يارايح لـِ من ..؟!

تخيل أنت لو تغرق .. وكثير الناس من حولك !

وكل ٍ يقدر يطولك ..

ينازع النفس ( منيه / مناك ) ! وتشوف إن الحياه راحت ( هناك .. هناك )

….., وتموت وينكرك زولك !!!

.

..

من يبادلني بـ حزن دنياه بـ شوية حزن !؟

من يبادلني بـ حزن دنيااه بـ شوية حزن !؟

من يبادلني بـ حزن دنياااه بـ شوية حزن !؟

ياصوتي يارايح لـِ منْ !!

صوتك على هيئة صدى .. رد وسكن !

بس الحجي غير الحجي

كان الصدى عيش بـ ( حزن )

ياصوتي يارايح لـِ منْ !!

تعبت أدور لك أذن

تعبت أدور لك لـ أن .. كل الأذاني ( مقيده ) ماتسمعك إلا بـ ( إذن ) !!

كل الأذاني ( مسْكره ) ماتنفتح الا بـ ( ثمن )

مثل القلوب الميته ..

بـ لسانها حلو الحجي , وبـ صدورها ريحة ( عفن ) !!

تحس دايم عطفها .. مرهون في وقت وزمن

ياصوتي يارايح لـِ منْ !!

خـروج عن الـنـص !!

ياحياتي أي فرح منج خذيت !؟

وكل ِ بسماتي ينازعها الشجن !

كل ِ درب ٍ للهنا لـ اجله مشيت .. بس دربي للهنا يمشي ( حزن ) !!

كل ْ من حولي من الطيبه عطيت

كـ الشموع أصبحت تحرقني المحن

ولا رجيت منهم جزات اللي هديت .. بس ظهري يرتجي خفاف الطعن

يازمان اللي دمع عيني هويت

يازمن وقف ترى دموعي ( خلصن ) !!

ياما قلت إني بـ هاللحظه أهتنيت .. مادريت أن الهنا بـ عمري أندفن

ياحياتي ( كل هذا ) ماهقيت

ما أظن ( همج ) أموت , ما أظن !!

والقهر أن الهنا دربه مشيت .. بس دربي ( للهنا ) يمشي ( حزن )

حزن .. حزن

حزن

ياصوتي يارايح لـِ منْ !!

أمانه لا تسئلني ( عنْ )

شلي أبيه بـ صرختي .. وشلي أنا محتاج له !!

أبيع عمري لـ مِن ( يحّن ) ! , ياخذني لو لحظه بـ ( حضن )

ياصوتي يارايح لـ من !!

….. //

أتصدق إني ماجذبت بأي كلمه !

وتصدق أن مثلي ترى حزنه ( يخمه ) !!

وتصدق بـ عيني اليمني بجيت دمعة ألم

وتصدق بـ عيني اليسرى بجيت حلم أنعدم !

وتصدق إني ما أميْز وش بجيت , وجم بجيت , وليه بجيت !؟

وتصدق أني ما أعرف شنهو مصيري !!!

بس أنت قلي , وش مصيرك لا قريت إللي قريت .. بس قلي / وش مصيرك ..

وش مصيرك !؟

ياصوتي يارايح لـِ منْ !!؟

ياصوتي يارايح لـِ منْ !!؟

..

.

19 / 3 / 2007

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s