اعترف !!

اعترف !!

وأدري اني ألتحف ..

بعض صجي .. وجذب نصفي !

وأدري أن كلي غموض

والوقت أحيانا ً بـ صفي !!

وأدري أنك تجهليني .. لو ملكتي كل عطفي ..

وادري أني من اشوفك بس أضيع

ويضيع وسط الصمت حرفي !

جم تألمت السكوت ..

والكلام اللي رسمته .. بلون نزفي !

صار منفي .. صار يجرحه السكوت !! بلون مخفي !

وادري اني شلت عمري وسط كفي

.. وقلت هذي بس هديتك

وادعي انها لك توْفي

وأدري أن مالي حقيقه

في حياتي الا أنتي … وهذا يكفي !!

حرريني من غبائي .. ان كنت بعيونك غبي !

قولي أن مافيه عاقل .. لـ اختنق ( قال أكتبي )

وقولي ان مافيه عاشق .. يلتقي فيمن يحبه

( واهوا مايدري شيبي !! )

وانقذيني من شعور اللاوجود .. والمبهم اللي مختبي

قولي انت ياهيه ( كائن )

لك مكان .. ولك حياه .. ولك تعب مثل تعبي !!

آآآه وش معنى وجودي .. وآنا ماتنفس وجودك .. وأنتي أبلغ مطلبي

جيت أرتجم نفسي عندك .. جيت اضم البرد .. بردك

المطر كل ماهطل .. ماسئلني غير عنك !!

وانا في عز التجمد .. بس اراقب كل قطره ..

( أقول هذا المطر منك ) !

لا يهمك لو سكنت البرد … دام البرد بردك .. مايشدني اي دفى الا اذا قبلي يضمك ..

يلي كلمتي الورود .. والناس تقطفها عشانك

ناس تضحك .. وانتي دمعك عانق الورده بـ حنانك

يلي لونتي الكلام .. وصار يتنفس شعورك .. شلون قلتي بيوم خانك !

نعمه أنتي .. وجيتي يمي .. مدري جيت آنا افمكانك

المهم انك حضرتي .. المهم انك نقلتي

كل زماني لي زمانك !

 

صدقيني

أعترف

وأدري أني ألتحف

بعض صجي .. وجذب نصفي

وأدري أن مالي حقيقه

في حياتي الا أنتي .. وهذا يكفي !!

..

.

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s