شخص من غير كبرياء

صورة

 

شخص من غير كبرياء…

لا أعلم عن ماذا أكتب ؟ ؟ ؟

داخلي معارك شعور !!!

سيف الحب !!!

سيف الخوف !!!

و سيف يمنعني الظهور …

أحدث قلمي ماذا ستكتب …

ينتظر كسر كبريائي … ينتظر مني العبور …

بقصيدة للحب..بقصيدة عن تناقض أشيائي…

بقصيدة تفسر كل الأمور …

كيف أحب ولا أعترف…

كيف أراها ولا أنوي الحضور …

أفكر في كتابة قصيدة عن الخيانة ….

يغضب قلمي مني وينصرف…

يصرخ ويكتب في جدار غرفتي …

لا أستطيع كتابة المستقبل…

 أتمعن كيف أفكر في حدث لم يحصل ؟؟؟

داخلي بركان لايعرف الانفجار …

الريح تسمعني أصوات الانكسار…

أخبرها..لا لا لن أخبرها

؟!؟!؟  ترددي سيد موقفي ؟!؟!؟

لا أستطيع شد الكبرياء..

لا أستطيع ..لا أستطيع

سأذهب بعيداً..ربما أجد ذوبان كبريائي

ربما أصبح شخص آخر …

شخص من غير كبرياء

Advertisements

ماقدرت الليله أتحمل غيابك ..!

ماقدرت الليله أتحمل غيابك ..!
………………………….. وجيت
جيت خايف ..!!
وادري لازم ما أجي
, شكلي متعود عذابك ..!!
كنت أحسّك / فيك شي !؟
وكان دمعي , خطوتي … وشفت كل الكون ” بابك ” ..!
ماقدرت أتحمل الليله غيابك ..!


… مالقيت ببيتي نفسي .. ورحت ادوّرني عليك
بكل مكان .. بكل كرسي .. وكل ما ” اقترفت ” يديك
بكل دمعه وكل آآه ..
…………………….. / بكل بساطه كنت ابيك
كنت احاتي شي فيك ..!
تبجي وإلا ..!؟
وإلا … ؟ وإلا … ؟ , ماقدرت تنام مثلي ..!؟
وإلا .. ؟ وإلا …. ؟ وإلا … ؟ وإلا … ؟ مغمض عيونك علي ..!

من عرفتك !
هذي اول ليله أقضيها في بُعدك ..!!
شوفها عيْت تمر …
وشوفني وشلون فيها … ……… حالي حال , ومنكسر ..!
كل زوايا البيت ” رسمك ”
كل أسامي ” الشي ” أسمك ..!!
……………….. كل دموع الناس ( ) ..!


هذي اول ليله أقضيها في بُعدك ..!!
ساعتي ( الحزن ) ظلاما ً ..
كل دقيقه فيها موت ..! وكل ثواني تنولد لك ..
ارجع ابجيّها , واموت …
والله كلي منخلق لك ..!! يا أبوي وطيب أمي
…………………وتارك الدنيا بـ سكوت ..!


هذي اول ليله أقضيها في بُعدك ..!!
اشهق انفاسي ألم ..
غرفتي ( اكبر / صغيره ) .!!!! عاش فيها لك حلّم
افترش كلي عليها .. خوف .. خوف
مانشف دمعي عليها .. شوف .. شوف
وارتشف صمتي بـ حزن ..!
والله ما باليد حيله … ( ليش تمنعني الظروف ؟ )

هذي اول ليله أقضيها في بُعدك ..!!
من عرفت الدنيا مافيها صبح ..!
من يجيب الصبح غيرك !؟
ليلتي حزن وطويله … تنتهي لمن اشوفك .. لي متى بسهرها يعني !؟
لا حضورك … لا طيوفك ..!
……………… وقلب ياكلني عليك
حيل احاتي شي فيك
تبجي وإلا ..!؟
وإلا .. !؟ وإلا .. !؟ ماقدرت تنام مثلي ..!
كان ظلي لو يمرني .. حيل يشبهني … ( أبيك ) ..!!


..
.

ماقدرت الليله اتحمل غيابك
………… وجيت
وادري لازم ما اجي ..
( كان كل الكون بابك ) …!!

غلطت بحقي , وانصفتك !

علي غلطان ,
…… وانا اللي لازم اتأسف !!
وانا اللي لازم أستسمحك … لاني منك اتألمت !
لاني كان في ظني .. يحق لي مره بس ازعل !!
يحق لي مره بس ابجي
وعن دموعي تجي تسئل ! ..
اما انت … لاتهتم ..
اجرحني ولا جنّي … أعيش بـ عالمك أنسان
تعبت اموت واتأسف .. ورغم الموت انا الغلطان !!
نسيت إني ومهما ” طلت
…………………. تبقى الصوره للجدران !

زعلت ورحت … وقلت انه بـ يراضيني

على نياتي حدي كنت …. ابرضى لو تناديني !

واثاريني , عليك ارخص ..

………………………………. حتى ماتناديني !!

وانا اللي انت لو تبجّي …

افجر لك نبع عيني !

ولو تزعل علي لحظه …. اكرّه كل مافيني

تبيني !! …….. بس مو فاهم ! … ليش الذل تكسيني !؟

ذنبي بس احبك موت … وخايف لا تخليني !

انا غلطان مو غلطان ! ماتفرق !!

بآخر شي …

أنا اللي دوري اتعذر … وانته اللي تجافيني !

علي غلطان ,

وانا اللي لازم اتأسف !!! ولا احلم تراضيني !! ..

.

.

كنت أحبك وأنجرحت !

……………………. ما أسامح

لو بجيت بـ دم قلبك , وأعتذرت

……………………. ما أسامح

……….. ما أسامح .. ما أسامح ..

انته تجرح ماتحس … وماتبي مني أحس ! بس تبي اسكت واصالح !

كافي صج والله تعبت ..

انته مستخسر علي .. كلمة آسف لي زعلت !

انجرحت مليون مره .. بس ولا مره عتبت ..

ماتركت لـ حزني دمعه … كلي لـ رضاتك ذرفت !

ماغلطت وكنت اخافك

وياما في حقي غلطت !

انساني وانا بنساك …

ولحد اهني وبس كافي …. خلنا نبتعد كافي ! ونذكر بعضنا في خير ..

………. ونذكر حبنا في خير ….!

.

.

علي غلطان ,

…… وانا اللي لازم اتأسف !!

لا والله ….

انا اللي لازم اتحسف ! غلطت بحقي وانصفتك ! ..

غلطت بحقي

……….. وانصفتك !

شيفيد عني لو دريت !؟

— [ انت اقرب شخص لي ! ………..

…………… بس أبعد شخص أنت !! ] —

كنت تفهم كل سكوتي

شوف دقق .. قلت ( كنت ) !!

ادري يمي … قريب مني … بس عني , مادريت .. . .

ليش أحسني لا بجيت

عندك , ……. ولا جنّي بجيت !؟

ليش تستسخف دموعي … أو تواسيني بـ كلمه

وين خوفك ؟ وين حضنك ؟

وين إييدك ؟ وين صدرك ؟

فــيـــك , وين إللي هويت !؟

ادري يمي … قريب مني … بس عني , مادريت .. . .

محتاج تتفهم شعوري !

لو تشوفه انت تافه !! .. المهم انه شعوري ..

بـ خاطري مثلي تحسه

بي تعيش الدور , دوري ! ..

مابي جوري !! .. بس ابي منك تحس .. .. فيني ! , وتتفهم شعوري !

إيـــه , أبشعر بك / بقربك

في عيونك .. أقرا حبك ..

حتى كفك من عقب ماهي دفى !!!!! … ضمها !! , وأحكم بـ نفسك !

بس ابيك .. ألقاك , فيك !! .. اشتكيلك لو عليك !

ادري يمي … قريب مني … بس عني , مادريت .. . .

كنت أسكت ما أسولف

وانت تفهم كل سكوتي

صرت الم حروف صمتي .. واعتصرها لك , كلام !!

مابقى بالصوت حرف .. ماصرخته لك بـ صوتي !! , ياللي تفهم كل سكوتي !!! …

ماتت حروفي بـ تعال !

وعاش وسط الحرف , موتي ! ..

ادري يمي … قريب مني … بس عني , مادريت .. . .

ليش لما احنا اقتربنا

اغتربنا عن بعضنا !؟..

( آآآآآه .. يا أحساسي هذا ) مو طبيعي اللي , وصلنا !

تخاف مثلي !؟

او تحس , .. لو قلت ضعنا !؟

الجفاف بكل مكان … بردنا في كل مكان

لو تضم اشلاء جسمي … / حضن , ناقصْك وحنان !

لا الزوايا كـ الزوايا .. لا الشموع مثل الشموع

ادري تشعلها عشاني .. بس ! مو نفس الشموع .. / كافي !! , عذْبت الهدايا !!!! ..

انت احسك مو معايا ! ..

ادري يمي … قريب مني … بس عني , مادريت .. . .

والله مابي اجرحك !

تكفى آسف .. بس خايف .. من شعوري , واسئلك !!

.

.

.

اتحبني ِ !؟

( انت متوهم تحب ) !

يمكن انت اتعزني ِ !!!!!!؟ ..

يمكن انك عشت نزوه .. او غلطه , …. .. فيها بس عيْشتني ِ !

قوول ومني , فكني ِ

صدقني اصعب من فراقك … قربك اللي هدْني ِ !!!

واني منك / لك بجيت

ومن عقب صمتي حجيت

مادام

انت ماتحسْني ِ!!

شيفيد , عني لو دريت !؟

شيفيد , عني لو دريت !

شيفيد , عني لو دريت !

.

.

— [ انت اقرب شخص لي ! ………..

…………… بس أبعد شخص أنت !! ] —

سخريه لا أكثر ..

من كثر مانفتخر !
ملينا حتى , نفتخر !! ..
ملينا من ( كنا ) و ( احنا ) .. وكل سوالفنا RubbiSh
والصغير اللي بالاقصى .. ماتغدى ولا تعش !
واصبح مهاده نعش !!
و ( احنا ) لازلنا بـ ( كنا ) !

علمونا بالمدارس .. لما صرنا فاهمين
ويوم رحنا للجهاد .. قالو عنا مجرمين !!
زعزعو فينا المبادئ
وازعجونا بالتآخي ! .. والمحبه , والموده … وجنه احنا ” المُخطئين ” !
غيرو بالدين , دين !!
كل نصراني ( صديق )
وكل صهيوني ( مسالم )
و ( التوحش ) مسلمين !
واحنا قتلانا عددهم … , لو هو ( ينعد ) جانزين !
من قتلهم ياعربنا !؟
جاوبونا ( ياكراسي ! ) …/ ( طب يافندم ) , حاضرين !

سيبها , واسكت يا ( مسلم ) … وأسمع ( الصوت ) و ( بسيطه ) !
و ( لا خطاوينا ) و ( راجع ) … مالك انته والخريطه !؟ ..

والله انتم خوش ناس
بس انا الطوفه ” الهبيطه ” !!
كله مبقق عيوني … , بكل جرايدنا , لقيطه !
صج وربي خوش اجابه !
بلعن سنين ( الخجل ) … وبربط بـ شعري شريطه
وبالمغازل لا توصي
لا بد ألقالي ( عبيطه ) !!
وابدا في جمع ( المصاري ) .. وابني فوق ( الفلس ) حيطه
واتمشى بالعواصم .. وانسى ( أسلامي ) ومحيطه
فرضي ألزم ماعلّي
وباقي عمري ( زمبليطه ) !!

المهم : تبقى ( الكراسي ) .. ومن عليها لا يطيح ..
و ( العبيطه ) اللي لقيت … لا تخليني جريح

وخل الاقصى يستررريح !
واليتاما تستررريح !
والثكالا … والأرامل , يامنادي أسترررريح !!

تعبنا كل يوم نموت ..!

تعالي نموت مره بس !

تعبنا كل يوم نموت !! ..

تعبنا ننتظر باجر .. وباجر مثل امس يفوت

ولا لقّيا .. ولا ميعاد

نقرب , بس نتم بعاد !

ويبقى هالكلام سكوت !! , تعالي نموت !

بيني وبينج , والوصول

شي ” فوق ” المعجزه !

المسافه ” مستحيل

التلاقي ” مستحيل

كل ِ ماحولي وحولج .. مستحيل ابـ مستحيل !!

/ … من يقول الشمس .. يحضنها قمر !؟ ..

ولي متى هالأرض بـ تشيل النخيل !!!؟

والرحيل اللي مشينا

كل نهاياته , رحيل … .. .

كنت أتحدى عشانج .. وانتي تتحدي عشاني

( الفراق ومانبيه

والوصل هو مايبينا ) .. والصبر مليان , ويل

,.. ما يأست والله لكن !

ماني لاقي اي بديل

لما شفت الموت حل .. وصرت أحب الموت حيييل !!

.

.

تعالي نموت مره بس !

تعبنا كل يوم نموت !!..

العيد العنيد ..!

عام ٍ جديد !!
واتبعثرت ! .. / كل الأماني للبعيد !

مات الفرح في خاطر ٍ .. جملة أمانيْيه ( كَذْب ) !!

جنّي اليتيم اللي رفضت تُوقف دموعه بـ يوم عيد

يوم ( الرِفاق ْ ) من الصغر متحضنين اغلا اللعب !

يايمه شوفي ربعنا

كلا ً يقول اليوم عيد !!

الا انا في صفحتي .. اكتب ( ملامات وعتب )

ياعيد قلي بذمتك

شنهو الذي جبته جديد

غير اللباس بـ نظرته .. / وعدة عطور ٍ بالعلب !

ياعيد قلي بذمتك

منهو وصفك انك سعيد

وين السعاده ؟ .. والحزن , في حزة اعيادي نشب !

وش حيلتي دام الحزن

في عيدهم هذا زهيد !

ابْني الفرح لجل التقيه .. , ولما التقيته / اخترب !!

اتصدق انه في حضورك .. ينبض الحزن بـ وريد !

…. في داخلي ( عدة جروح )

تصرخ تقول انت السبب !!

ارجي الفرح .. جنّي طفل .. يرجي ( العيادي لو تزيد )

وانا اشوف ان الفرح

من بين اياديْيه هرب !!

ضاعت طموحات العمر .. مابين ( أريد وما أريد ) !!

فيك الظلام اجتاحني واشعلتني لجلي ” حطب

هذي الليالي اتشابهت … فيها انطبع ( حزني أكيد ) ..

ان جيتني والا رحلت ..

( للحين عيدي مانكتب ) !!

خلني على همي أنوح .. واصارع ( العيد العنيد )

دام الطفل في ” داخلي ” ..

لليوم ماعنده ( لعب ) !!

..

.

21 – 11 – 2003

لا تلومني آنا بشر !

لا تـلـومـنـي إذا بـجـيـت .. لا تـلـومـنـي آنـا بـشـر ..!
لا تـلـوم قـلـبـي إللـي إنـكـسـر
يـوم رحـلـت حـبـيـبـتـه ..!!


قـالـت وداع , وتـبـتـرد ..!
وآنـا سـكـْت مـن الـقـهـر
صـعـبـه تـحـب
وإللـي تــحــب
عـنـك / تـْطـول غـيـبـتـه ..!!


حـتـى الـدقـايـق (مُـتـعبـَه ) , أتـعـبـتـهـا
بـ كـثـر الـسـهـر
وتـونـي عـرفـت إن الـصـبـر
مُـره , وغـثـيـثـه عـيـشـتـه ..!!


يـا لايـمـي
لا لا تـلـوم
دام الـهـوى أصـدق عـذر
آنـا أحـبـهـا , والـجـنـون
سـكـنـي .. جـّنـي ديـرتـه ..!


وإذا دمـوعـي تـزعـجـك ..!!
صـدقـنـي , مـو لاقـي مـفـر ..!
أنـا أبـتـلـشـت بـ دمـعـتـي .. إذا تـحـجـو بـ سـيـرتـه


شـهـريـن مـّرو , للـسـفـر
شـهـريـن مـّرو / لا خـبـر ..!
ولا مـسـج .. ولا إتـصـال
يـرْيـح إللـي بـ حـيـرتـه

بــالــمــخــتــصــر غــيــر الــمــفــيــد ..!!

وبـالآخـره بـس تـجّـذبـيـن ..!!
ومـن الإسـاس مـاكـو سـفـر
وآنـا الـحـزيـن إللـي نـطـر إيـيـدج تـْمـش دمـيـعـتـه ..!
شـفـتـيـنـي وشـلـون أنـتـظـر !؟
شـفـتـيـنـي لـ اجـلـج أحـتـضـر !؟
” أشْـعـلـنـي ”
والـعـمـر أنـطـفـى ..!!!
بـ سـبـة دمـوع مـصـيـبـتـه ..!
وهـذي الـنـهـايـه , رجـعّـتـج
والـصـوغـه صـدمـات وغـدر ..!!


أبـي ســــبـــــب .!!!!..؟
يـعـنـي الـوفــا
مـعـقـولـه سـهـلـه بـيـعـتـه !!!؟


حـبـيـبـتـي لا تـسـكـتـيـن ..!
قـولـيـلـي لو قـلـبـج قـدر
قـولـيـلـي لـو أنـه غـدر , بـ قـلـيـبـي وأنْـكـر طـيـبـتـه ..!!


عـشـانـه خـنـتـيـنـي أنـا !؟
والله غـريـبـه يـادهــر
بـالأمـس كـانـت مـن أحـب
والـيـوم أهـيـا .. رفـيـجـتـه ..!!!


..
.
لا تـلـومـنـي إذا بـجـيـت .. لا تـلـومـنـي آنـا بـشـر ..!
لا تـلـوم قـلـبـي إللـي إنـكـسـر
يـوم غـدرت حـبـيـبـتـه ..!!
.

عادي حبيبج ينجرح !؟..

 

ساعه , قلم , باقة زهورج والعطر !
… يمها براويز وصور ..!
واللي انكسر وحده , انا !!
من قال انا قد الصبر ؟!

ياللي الهجر هو سْكتج !
إللي نطر ليل وسهر .. يتمنى لحظة ردتّج !
لو غلطتج كانت انا !!
وشذنبي آنا بـ غلطتج ! , .. ياللي الهجر هو سْكتج ..
الدنيا كلها بـ غرفتي !
مسجون , ساجني الفُرااق .. وبـ عيني ” حُره ” دمعتي !
كل ذكرياتي موجعه .. جدراني يملاها القهر ..
اهني جاني لج مسج .. واهني كلمتج انا !
واهني كنتي تحلمين , تملين دنياي بهنا ..
ولا بقى غيري انا !!
والدار مافيها أحد .. غير الهدايا والعنا .. والصدمه من زيف الوعد !
ياللي الهجر هو سْكتج !

عادي حبيبج ينجرح ؟!
ساعه تمر
رشة عطر
حبر القلم
هذي الصور !
حتى بـ غيابج ينجرح !
كل الهدايا تجرحه !!
غير الجروح اللي معاج .. ياللي معاج حلمي كبر
اللي خسر حلمه انا !
واللي جرح نفسه انا !
واللي انكسر
وحده انا !!